„აღნიშნული ქმედებით, ჟურნალისტს პროფესიული საქმიანობის განხორციელებაში ხელი შეეშალა - ვერ განახორციელა სიუჟეტის ჩაწერა, ხოლო ძალადობის შედეგად ფიზიკური ტკივილი განიცადა“, - აცხადებენ სპეციალურ საგამოძიებო სამსახურში.
„TV პირველის“ ინფორმაციით, ჟურნალისტს გაუსწორდა „ალტ-ინფოს“ წარმომადგენელი, რომელიც მონაწილეობდა 14 მარტს, პარლამენტთან გამართულ აქციაში, რა დროსაც ევროკავშირის დროშა ჩამოგლიჯეს. ტელეკომპანიის ცნობით, მასთან ჩასაწერად მისულ ჟურნალისტს ტექნიკა დაუმტვრიეს და ფიზიკური შეურაცხყოფა მიაყენეს.
საინფორმაციო გამოშვების წამყვანმა, ინფორმაცია პირდაპირ ეთერში განაცხადა.
ჟურნალისტმა დაზიანებები სახისა და ხელის არეში მიიღო. ის ახლა საავადმყოფოში იმყოფება.
"ამ ეტაპზე სტაბილური მდგომარეობაა, თუმცა საყურადღებო. მოტავსებულია კლინიკის ნევროლოგიურ განყოფილებაში" - კლინიკის ხელმძღვანელი.
