თბილისის საქალაქო სასამართლოში ორგანიზებული ჯგუფის მიერ ალკოჰოლისა და უაქციზო სიგარეტის არალეგალურად წარმოების ბრალდებით დაკავებული 7 პირის, მათ შორის, ბიზნესმენის, ყოფილი მოკრივის, გიორგი კანდელაკის სასამართლო პროცესი გაიმართა.
„გიორგი ბიზნესმენია, მაგრამ მას ბრალთან და ბრალში ასახულ ფაქტობრივ გარემოებასთან ნული აქვს შემხებლობა“ - უთხრა გიორგი კანდელაკის ადვოკატმა, გაგი მოსიაშვილმა „ინტერპრესნიუსს“.
„სავარაუდო უკანონო შემოსავლების ლეგალიზაციის ფაქტთან დაკავშირებით, საქართველოს ეროვნული ბანკი ორგანული კანონით მინიჭებული მანდატის ფარგლებში, აქტიურად თანამშრომლობდა შესაბამის უწყებებთან და ჩართულია საგამოძიებო პროცესში“ - აღნიშნულია ეროვნული ბანკის მიერ გავრცელებულ ინფორმაციაში.
პროკურატურის ინფორმაციით, „ბრალდებულმა და დანაშაულებრივი ჯგუფის სხვა წევრებმა, 2022-2024 წლებში მოახდინეს დაახლოებით 624 მილიონი აშშ დოლარის და 35 მილიონი ევროს ოდენობით უკანონო შემოსავლის ლეგალიზაცია“.