კიდევ ერთი სუპერ-ციფრული ფოტოაპარატი, რომელიც ამჯერად სტარტაპმა Light წარმოადგინა. კამერა აღჭურვილია 16 მოდულით, რომლებსაც განსხვავებული ოპტიკია აქვთ. გადაღებისას 16-დან 10 მოდული ერთდროულად იღებს ფოტოს, მათი დამუშავების შემდეგ გამოდის 52 მეგაპიქსელიანი ფოტო.
ასეთი სისტემა საგრძნობლად გაზრდის გადაღების ხარისხს ცუდად განათებულ ადგილებშიც კი. 16 მოდულის გარდა, კამერას შეუძლია 4K ვიდეოს გადაღება. მას აქვს 5 დუიმიანი სენსორული დისპლეი, რომელიც საშუალებას მოგცემთ დაარედაქტიროთ ფოტოები პირდეპირ კამერაში. ის აღჭურვილია Wi-Fi მოდულით და მუშაობს Android-ზე. ასეთი უნკალური კამერის გამოშვება 2016 წელს იგეგმება და მისი ფასი 1300 დოლარი იქნება.
