ნაჩუქარი ჩემპიონობა, ლუდის ტრამვა, ჩემპიონი დე იონგი და სხვა

”აიაქსმა” ჰოლანდიის ჩემპიონატის ბოლო ტურში აუტსაიდერთან ფრედ ითამაშა და პსვ-ს საშუალება მისცა ჩემპიონი გამხდარიყო.

–
”ლაიპციგი” ისტორიაში პირველად გადავიდა ბუნდესლიგაში. რალფ რანგნიკის გუნდი 5 ქულით უსწრებს ”ნიურნბერგს” და კონკურენტისთვის მიუღწეველია. მატჩის შემდეგ ზეიმის დროს და ლუდით წუწაობისას მწვრთნელმა ტრამვა მიიღო.

–
”სელტიკი” ზედიზედ მეხუთედ გახდა შოტლანდიის ჩემპიონი.

–
”ბარსელონამ” თანაქალაქელ ”ესპანიოლს” 5:0 მოუგო. მას შემდეგ, რაც ”ატლეტიკო” ”ბარსას” ქულებით გაუთანაბრდა, ”ბლაუგრინამ” მომდევნო ოთხი მატჩი საერთო ანგარიშით 21:0 მოიგო. ჩემპიონობამდე ერთი თამაშიღა დარჩა ”გრანადასთან”.
–
ფეხბურთელი გვარად დე იონგი ჰოლანდიის ჩემპიონატის ბოლო 12 სეზონიდან 11-ში ჩემპიონი ხდებოდა.

–
”ლესტერის” ჩემპიონობის ღამეს ქალაქის საავადმყოფოებს ორჯერ მეტმა ადამიანმა მიაკითხა.

–
მადრიდის ”რეალი” მიუნხენის ”ბაიერნის” პოლონელ თავდამსხმელ რობერტ ლევანდოვსკიში 80 მილიონ ევროს შეთავაზებს, წერს Daily Star.

–
ლონდონის ”არსენალი” ”ლივერპულს” დანიელ სტარიჯის სანაცვლოდ 38 მილიონ ევროს შეთავაზებს.

–
ჩინელი ბიზნესმენები პრემიერლიგიდან გავარდნილ ბირმინგემის ”ატონ ვილას” 126 მილიონ ევროდ იყიდიან, – იუწყება Mirror.
–

”რომას” თავდამსხმელმა ფრანჩესკო ტოტიმ სერია ა-ში მე-600 მატჩი ითამაშა. ის მესამე ფეხბურთელია, რომელმაც ამ ნიშნულს მიაღწია. მასზე წინ არიან ”მილანელი” პაოლო მალდინი (647 მატჩი) და ”ინტერის” არგენტინელი მცველი ხავიერ ძანეტი (615).