კარგი სიახლე მათთვის, ვისაც ორი ერთში ტიპის „ტაბლეტი“ ხიბლავს. ამ დღეებში პლანშეტური კომპიუტერის HaierPad 103 პრეზენტაცია შედგა. ეს არის 10,1 დიუიმიანი მოწყობილობა კლავიატურითა და სტილუსით.
გაჯეტი 7 საათიან ავტონომიურ რეჟიმში მუშაობს და დატენვას არ საჭიროებს. სიახლე Android 5.0 Lollipop-ის ოპერაციულ სისტემაზე მუშაობს.
HaierPad 103 -ს IPS-ეკრანი და ორი კამერა აქვს: წინა 2 მეგაპიქსელიანი და ძირითადი – 5 მეგაპიქსელიანი. ამასთან, პლანშეტს აქვს Micro-USB, Wi-Fi 802.11n, USB 2.0, Bluetooth 4.0, ასევე Micro HDMI მხარდაჭერა. კორპუსის სისქე 9,4 მილიმეტრს შეადგენს. პლანშეტის ღირებულება კი 229 ევრო იქნება.
