8 იანვარს, საღამოს შვიდ საათზე, ალ. გრიბოედოვის სახელობის რუსული დრამატული თეატრის მცირე დარბაზში გაიმართება გამოჩენილი რეჟისორის ელდარ რიაზანოვის ხსოვნისადმი მიძღვნილი საღამო.
რეჟისორს გაიხსენებენ მისი მეგობრები და კოლეგები: ელდარ შენგელაია, მერაბ კოკოჩაშვილი და სხვა. სიმღერებს მისი კონოფილმებიდან შეასრულებს ირმა სოხაძე. გაჟღერდება რიაზანოვის უცნობი ლექსები.
საღამოს დასასრულს ნაჩვენები იქნება ელდარ რიაზანოვის ერთ-ერთი უკანასკნელი ფილმი – „საძინებლის გასაღები“ (მთავარ როლებში – სერგეი მაკოვეცკი, სერგეი ბეზრუკოვი, ნიკოლაი ფომენკო).
პროექტის ორგანიზატორია საერთაშორისო კულტურულ-საგანმანათლებლო კავშირი „რუსული კლუბი”.
რუსი კინორეჟისორმა, სცენარისტმა და მსახიობმა, თავისი მოღვაწეობის განმავლობაში გადაიღო 50-მდე ფილმი, რომელთა დიდი ნაწილი კინოკლასიკად არის აღიარებული, მათ შორის „საკარნავალო ღამე“, „ბედის ირონია“, „სამსახურებრივი რომანი“, „ავტოფარეხი“.
რეჟისორი 2015 წლის 30 ნოემბერს მოსკოვში გარდაიცვალა.
