საერთაშორისო ტურიზმიდან 2015 წელს პირველ სამ კვარტალში მიღებულმა შემოსავლებმა 1,5 მლრდ დოლარი შეადგინა.
ტურიზმის ეროვნული ადმინისტრაციის ანგარიშის მიხედვით, ეს მაჩვენებელი 2014 წლის ანალოგიურ პერიოდთან შედარებით 8,1%-ით მეტია. 2014 წელს ეს მაჩვენებელი 1,4 მლრდ დოლარს შეადგენდა.
ამასთან, გაზრდილია უცხოური ფულად-საკრედიტო ბარათებით განხორციელებული გადახდების რაოდენობა. იანვარ-ნოემბერში ამ მაჩვენებელმა 28%-ით მოიმატა, ხოლო ტურიზმის წილი სერვისის ექსპორტში შეადგენს 62,2%-ს.
2015 წლის დაზუსტებული მონაცემები ცნობილი რამდენიმე დღეში გახდება.