მიუხედავად იმისა, რომ საქართველოში მომღერლები აღარ წერენ სიმღერებს და შეიძლება ითქვას, რომ შოუბიზნესი აღარ არსებობს, ნინი ბადურაშვილი მაინც აქტიურად სთავაზობს მაყურებელს სიახლეებს. შეგახსენებთ, რომ მომღერალმა დედის დაწერილ სიმღერაზე – „უშენოდ“ ცოტა ხნის წინ კლიპი გადაიღო, რომლის რეჟისორი ანრი ჯოხაძეა. კლიპის პრემიერაც მალე გაიმართება. ნინიმ სულ ცოტა ხნის წინ, კიდევ ერთი ახალი სიმღერა ჩაწერა, რომელიც მუსიკოსმა ლევან ჩიჩუამ იგივე „TL”-მა დაუწერა. ნინის კლიპის გადაღება ამ სიმღერაზეც აქვს დაგეგმილი, რომელსაც სავარაუდოდ გაზაფხულზე ვიხილავთ.