ხმები იმის შესახებ, რომ მადონა მალავიდან შვილების აყვანას გეგმავდა, პრესაში ჯერ კიდევ რამდენიმე თვის წინ გაჩნდა, თუმცა პოპ-დედოფალი კომენტარის გაკეთებისგან თავს იკავებდა. ახლა კი, როდესაც ყველანაირი იურიდიული საკითხი მოგვარებულია, თავის მიკრობლოგზე მან ოფიციალური განცხადება გააკეთა:
„ოფიციალურად ვადასტურებ, რომ მალავიდან ტყუპების შვილად აყვანის პროცესი დასრულებულია. ძალიან ბედნიერი ვარ, რომ ისინი ჩემი ოჯახის წევრები არიან. მადლობელი ვარ ყველასი, ვინც დამეხმარა“, – დაწერა მადონამ „ინსტაგრამზე“ და პატარების ფოტო გააზიარა.
შეგახსენებთ, რომ 4 წლის სტელასა და ესთერის ფოტო მადონამ რამდენიმე თვის წინაც გააზიარა, როდესაც გოგონები ბავშვთა სახლში ცხოვრობდნენ. როგორც გაირკვა, მომღერალი შვილად აყვანის პროცესისთვის დიდი ხნის განმავლობაში ემზადებოდა.
