თბილისის მერიის ინფორმაციით, დედაქალაქში საახალწლო განათებების დემონტაჟი გრძელდება.
მერიის ცნობით, აღნიშნული სამუშაოებიდან გამომდინარე, მერაბ კოსტავას ქუჩა, თბილისის საკონცერტო დარბაზიდან – იაკობ ნიკოლაძის ქუჩამდე მონაკვეთი, დღეს 00:00 საათიდან 27 იანვრის 07:00 საათამდე გადაიკეტება.
სამუშაოებს „თბილსერვისჯგუფი“ ახორციელებს.
„თბილისის მერია ბოდიშს გიხდით შეფერხებისთვის“, – აღნიშნულია მერიის განცხადებაში.