ბიონსემ ,,ინსტაგრამით” უპრეცედენტო კონკურსის შესახებ განაცხადა. 37 წლის შემსრულებლის ინფორმაციით, ,,კარტერების” თაყვანისმცმელები, რომლებიც ცხოველური პროდუქტების გამოყენებაზე უარს იტყვიან, 30 წლის განმავლობაში ვარსკვლავური წყვილის კონცერტებს უფასოდ დაესწრებიან.
გაირკვა, რომ კონკურსში, რომელიც The Greenprint Project-ის კამპანიის ნაწილია, მონაწილეობა მხოლოდ აშშ-ის მოქალაქეებს შეუძლიათ. გამარჯვებულები შემთხვევითი შერჩევის პრინციპით 22 აპრილს გამოვლინდებიან.
შეგახსენებთ, რომ ბიონსემ და ჯეი-ზიმ საზოგადოებას ვეგანური ცხოვრების სტილის დაცვისკენ აქამდეც არაერთხელ მოუწოდეს. ისინი ფიქრობენ, რომ ვეგანობით ადამიანები საკუთარ ჯანმრთელობასა და გარემოს გაუფრთხილდებიან.