ამ წუთებში ერგნეთის საგუშაგოსთან საოკუპაციო რეჟიმის მიერ დაკავებული საქართველოს რვა მოქალაქის გათავისუფლებას ელოდებიან. ადგილზე იმყოფებიან შიდა ქართლის გუბერნატორი და შსს-ს შიდა ქართლის პოლიციის დეპარტამენტის უფროსი მერაბ ბერძენიშვილი.
შეგახსენებთ, რომ სოფელ ახალუბანში მცხოვრები 7 და მეჯვრისხევში მცხოვრები ერთი პირი საოკუპაციო ძალების წარმომადგენლებმა 17 აგვისტოს გაიტაცეს და ბრალად ე.წ. საზღვრის უკანონო კვეთა წარუდგინეს.