29 თებერვალს ქალებს უფლება აქვთ, დაქორწინება მამაკაცს თავად შესთავაზონ და ამ ყველაფერთან ერთად მამაკაცს უარის თქმის უფლება “არ აქვს”. ამის შანსი ქალებს მხოლოდ 4 წელიწადში ერთხელ, 29 თებერვალს ეძლევათ.
ეს ტრადიცია სათავეს ძველი ირლანდიური ლეგენდიდან იღებს. მისი იდეა ასეთია – “ქალებს უნდა მიეცეთ 4 წელიწადში ერთხელ საშუალება, მამაკაცს ხელი სთხოვონ, რათა დაბალანსდეს ამ ორი სქესის ტრადიციული როლები, ზუსტად ისე, როგორც “ნაკიანი” 29 თებერვალი აბალანსებს კალენდარს”. ამასთან, ქალებმა საყვარელი მამაკაცისთვის ბეჭედიც თავად უნდა შეიძინონ.
29 თებერვალს მამაკაცისთვის ხელის შეთავაზების ტრადიციას ქალები აქტიურად იყენებენ. ბრისტოლსა და ლიდსში ამ დღით მარტოხელა ქალების 90%, ხოლო ბელფასტში 50% სარგებლობს.
ამასთან დაკავშირებით რამდენიმე კვლევაც ჩატარდა. აღმოჩნდა, რომ გამოკითხულ მამაკაცთა ნახევარი წინააღმდეგი სულაც არაა, რომ პარტნიორმა დაქორწინება თავად შესთავაზოს. ამ დღისთვის ძლიერი სქესის წარმომადგენლები ქალებს რომანტიკული ვახშმის მოწყობას ან რომანტიკული მოგზაურობის დაგეგმვას ურჩევენ, რათა ბეჭდის გადაცემის პროცესი სასიამოვნოდ დასამახსოვრებელი გახდეს.
სწორედ ამ დღის ტრადიციაზეა გადაღებული ფილმი “ნაკიანი წელიწადი”.