იტალიაში 14 მარტის შემდეგ „კოვიდ-19“-ით გარდაცვლილთა ყველაზე დაბალი ყოველდღიური მაჩვენებელი დაფიქსირდა.
ბოლო 24 საათის განმავლობაში კორონავირუსით 165 ადამიანი გარდაიცვალა.
ასევე, იკლებს ინფიცირების ახალი შემთხვევების რაოდენობა.
ბოლო დღე-ღამეში იტალიაში კორონავირუსი 802 ადამიანს დაუდასტურდა.
2 155-ით გაიზარდა გამოჯანმრთელებულთა რაოდენობა და სულ 105 186 შეადგინა.
პანდემიის დაწყებიდან იტალიაში კორონავირუსი სულ 219 070 პაციენტს გამოუვლინდა.