უსინათლოებისა და მხედველობადაქვეითებული პირებისთვის საქართველოში ძველი აღთქმის პირველი წიგნი დაიბეჭდა. ბრაილის შრიფტით დაბეჭდილი წიგნის პრეზენტაცია რელიგიის საკითხთა სახელმწიფო სააგენტოს ხელშეწყობით გაიმართა. სააგენტოს თავმჯდომარის განმარტებით, მხედველობადაქვეითებული ქვეყანაში დაახლოებით 600-მდე პირია, აღნიშნული პროექტით კი მათ საშუალება ეძლევათ რელიგიური რწმენა გაიმყარონ, რომ დისკრიმინაციულ მდგომარეობაში არ აღმოჩნდნენ.
“საქართველოში არის 600-მდე უსინათლო, მათ შორის შედის სკოლა-პანსიონის რამდენიმე ათეული ბავშვი. ბრაილის შრიფტის წამკითხველი, თუ არ ვცდები, დაახლოებით არის 60-70 კაცი. ძალიან მცირე რაოდენობაა, მაგრამ მათთვის არის ეს პროექტი. მითუმეტეს, რომ ამ მიმართულებით რწმენის და რელიგიის თავისუფლება, დაცული უნდა იყოს, რომ დისკრიმინაციულ მდგომარეობაში არ ყოფილიყვნენ”, – განაცხადა რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძემ.
პრეზენტაციას სხვადასხვა რელიგიურ ორგანიზაციების წარმომადგენლები დაესწრნენ.