თბილისის 52-ე სკოლის მე-6 კლასის მოსწავლეს კორონავირუსი დაუდასტურდა.
სკოლის დირექტორის განცხადებით, მოსწავლის დაინფიცირების წყაროდ სახელდება მისი ძმა, რომელიც ერთ-ერთ ორგანიზაციაში მუშაობს და რომელსაც „კოვიდ-19“ კვირას გამოუვლინდა.
როგორც ცნობილია, მოსწავლეს სკოლაში ორშაბათიდან აღარ უვლია. შესაბამისად, ეპიდემიოლოგებს არც კლასის და არც სკოლის სხვა მოსწავლეების ან პერსონალის იზოლაციაში გადასვლის რეკომენდაცია არ გაუციათ.
სკოლაში უკვე ჩატარდა სადეზინფექციო სამუშაოები.