ე.წ. კომენდანტის საათის და ხელისუფლების მიერ დაწესებული ჯარიმების გაუქმების მოთხოვნით პარლამენტთან აქცია იმართება.
აქტივისტები ადგილზე მას შემდეგ მივიდნენ, რაც ქალაქის რამდენიმე წერტილიდან მსვლელობა მოაწყვეს.
ვაკის პარკთან შეიკრიბნენ „გირჩი – მეტი თავისუფლების“ წევრები და მხარდამჭერები; მოძრაობა „სირცხვილია“ და სხვადასხვა ორგანიზაციები – საბურთალოზე, ვასო გოძიაშვილის სახელობის პარკში, „ლელოსა“ და „ევროპული საქართველოს“ წარმომადგენლები კი, თსუ-სთან.
დემონსტრანტები აცხადებენ, რომ პარლამენტთან მთელი ღამის განმავლობაში დარჩებიან და ე.წ. კომენდანტის საათს დაარღვევენ.