საქართველოში ვაქცინაციის დაწყების შემდეგ, სულ აცრილია 12 846 მოქალაქე.
დაავადებათა კონტროლისა და საზოგადოებრივი ჯანმრთელობის ეროვნული ცენტრი განახლებულ მონაცემებს აქვეყნებს, რომლის მიხედვითაც, გასული დღე-ღამის განმავლობაში კოვიდვაქცინა 1 214-მა ადამიანმა გაიკეთა.
ქვეყანაში მოსახლეობის აცრა “ასტრაზენაკას” ვაქცინით 15 მარტს დაიწყო.
იმუნიზაციის პროგრამაში თავდაპირველად ჯანდაცვის სფეროს წარმომადგენლები ჩაერთნენ, რომელთაც მოყვა 65 წელს ზემოთ მყოფი მოსახლეობა. 5 აპრილიდან კი ვაქცინაციის პროცესში 55 წელს ზემოთ პირები, ასევე დიალიზზე მყოფი პაციენტები და ორგანოგადანარგილი ადამიანები ჩაერთნენ.
მიმდინარე ეპიდემიური მონაცემები საქართველოში დღეს ასე გამოიყურება:
გასული დღე-ღამის განმავლობაში დადასტურდა კორონავირუსის 897 შემთხვევა, გამოჯანმრთელდა 196 პაციენტი, გარდაიცვალა 10 ადამიანი.
