რომის პაპი მარიუპოლის ფოლადის ქარხანაში ჩარჩენილი ადამიანების ჰუმანიტარული დერეფნებით ევაკუაციის მოწოდებით გამოვიდა.
დღეს, ფრანცისკემ ვატიკანში, წმინდა პეტრეს მოედანზე შეკრებილ ათასობით მორწმუნეს, საკვირაო ქადაგებისას მიმართა და თქვა, რომ უკრაინაში რუსეთის შეჭრამ მას “ტანჯვა და ტირილი” მოჰგვარა.
მან აღნიშნა, რომ უკრაინის ომი კაცობრიობის საშინელი რეგრესია.