9 მაისის აღლუმის შემდეგ, პუტინი კრემლში უკრაინაში მოკლული რუსი სამხედროს, ვლადიმერ ჯოგას მამას, არტემ ჯოგას შეხვდა და მისი შვილი სიკვდილის შემდეგ დააჯილდოვა.
რუსეთის პრეზიდენტი შვილმკვდარ მამას არწმუნებდა, რომ რუსეთს „სხვა შანსი არ დაუტოვეს.“
„თუ იარსებებდა ერთი შანსიც ამ პრობლემის (დონბასის), მშვიდობიანი გზით გადაწყვეტის, ჩვენ რა თქმა უნდა გამოვიყენებდით, მაგრამ ეს შანსი არ მოგვეცა, უბრალოდ არ მოგვეცა“, – განაცხადა პუტინმა.
ის მოკლული სამხედროს მამას არწმუნებდა, რომ „ბიჭები გმირულად იბრძვიან“ და რომ „ყველა გეგმა სრულდება და შედეგიც მიღწეული იქნება“.
ვლადიმერ ჯოგა ვოლნოვახაში მოკლეს.