პიანისტ ლექსო თორაძის სამოქალაქო პანაშვიდი 18 მაისს კონსერვატორიის მცირე დარბაზში გაიმართება. მოქალაქეებს პანაშვიდზე მისვლა მთელი დღის განმავლობაში შეეძლებათ. ინფორმაციას თბილისის სახელმწიფო კონსერვატორია ავრცელებს.
ლექსო თორაძეს 19 მაისს 15:00 საათზე კონსერვატორიიდან გამოასვენებენ და დიდუბის პანთეონში დაკრძალავენ.
პიანისტი ლექსო თორაძე 69 წლის ასაკში 11 მაისს გარდაიცვალა. მუსიკოსი 1983 წლიდან აშშ-ში ცხოვრობდა და მოღვაწეობდა, სადაც საკუთარ სახლში გარდაიცვალა. ლექსო თორაძე თანამედროვეობის ერთ-ერთ ვირტუოზ პიანისტად არის აღიარებული.