„მორალურად უსამართლო, მიუღებელი, ბარბაროსული, უაზრო, საზიზღარი და მკრეხელური” – ამ სიტყვებით პაპმა ფრანცისკემ რუსეთის მიერ უკრაინაში წამოწყებული ფართომასშტაბიანი ომი დაგმო.
ვატიკანი ამ განცხადებით ერთი კვირის წინ, პაპი ფრანცისკეს მიერ რუსი პროპაგანდისტისა და იდეოლოგის, ალექსეი დუგინის ქალიშვილის, დარია დუგინას მკვლელობასთან დაკავშირებით გაკეთებულ კომენტარს გამოეხმაურა, რა დროსაც პონტიფიკოსმა მას „ომის უდანაშაულო მსხვერპლი“ უწოდა.