ოდესის პორტსა და მარცვლეულის საწყობებზე რუსი სამხედროების თავდასხმას, უკრაინის პრეზიდენტი „ტელეგრამზე“ ეხმიანება.
ვოლოდიმირ ზელენსკის განცხადებით, მსოფლიომ რუსეთს უნდა უპასუხოს:
„რუსი ტერორისტები კვლავ თავს დაესხნენ პორტებს, მარცვლეულს და გლობალურ სასურსათო უსაფრთხოებას. ყველა ოპერატიული სერვისი შესაბამისად, ეფექტიანად მუშაობდა.
მსოფლიომ უნდა უპასუხოს – როდესაც სამიზნე სამოქალაქო პორტებია, როდესაც ტერორისტები განზრახ ანადგურებენ მას, ეს საფრთხეს წარმოადგენს ყველასთვის, ყველა კონტინენტზე. რუსეთის შეჩერება შეიძლება და უნდა შეჩერდეს“, – წერს ვოლოდიმირ ზელენსკი.
შეგახსენებთ, რუსულმა მხარემ ოდესის პორტსა და მარცვლეულის საწყობებზე დრონებით თავდასხმა დღეს დილით განახორციელა.
უკრაინაში მიმდინარე მოვლენების შესახებ მუდმივად განახლებად ინფორმაციას გაეცნობით ამ ბმულზე: ომი უკრაინაში