ლეგენდარული ამერიკელი შემსრულებლის, პრინსის შემოქმედების თაყვანისმცემლებს ბროდვეიზე დიდი პრემიერა ელოდებათ. მუსიკოსის საკულტო ალბომისა და ფილმის, Purple Rain მიხედვით ახალი მიუზიკლი იქმნება.
სპექტაკლში მაყურებელი არტისტის 20-ზე მეტ უკვდავ ჰიტს მოისმენს, მათ შორის ისეთ ცნობილ კომპოზიციებს, როგორებიცაა: When Doves Cry, I Would Die 4 U, Take Me With You და The Beautiful Ones.
აღსანიშნავია, რომ მიუზიკლის მუსიკალურ კონსულტანტებად პრინსის დიდი ხნის მეგობრები და ბენდის წევრები — ბობი ზი და მორის ჰეისი მოგვევლინებიან. მსახიობთა ვინაობა ამ ეტაპზე უცნობია.
არსებული ინფორმაციით, Purple Rain-ის წინასწარი ჩვენებები ნიუ-იორკის პრესტიჟულ Majestic Theatre-ში 2027 წლის 12 მარტიდან დაიწყება, ხოლო ოფიციალური საპრემიერო საღამო, 12 აპრილს არის ჩანიშნული.
