მაილი საირუსის მუსიკალურ კარიერაში სიახლეებია.
ცნობილი გახდა, რომ არტისტმა ოფიციალურად გააფორმა ხელშეკრულება Atlantic Records-თან, რომლის ქვეშ უახლოეს მომავალში, ახალ ალბომს გამოსცემს.
შემსრულებელმა კარიერის ახალ ეტაპსა და მომავალ მუსიკალურ პროექტზე, ჟურნალ – Wonderland-თან ინტერვიუში ისაუბრა და აღნიშნა, რომ ალბომი, რომელიც 10 სიმღერას გააერთიანებს, რომანტიკულ გრძნობებსა და საკუთარი თავის სიყვარულს მიეძღვნება.
Wonderland-ის სპეციალური გამოცემისთვის საირუსმა ექსკლუზიური, შავ-თეთრი ფოტოსესია მოაწყო და წამყვანი ბრენდების, მათ შორის Yves Saint Laurent-ის სამოსი მოირგო.
ფოტოებში მაილი წარდგა როკ-ენ-როლისა და კლასიკური გლამურის ნაზავით, რაც იდეალურად გამოხატავს მისი ახალი მუსიკალური ერის დაწყებას.