საქართველოში, ბოლო 24 საათში, კორონავირუსისგან კიდევ 28 პაციენტი გარდაიცვალა. ბოლო მონაცემებით ქვეყანაში გარდაცვლილთა რიცხვი 335-მდე გაიზარდა. ამის შესახებ მთავრობის ადმინისტრაციის ხელმძღვანელმა დღეს გამართულ ბრიფინგზე ისაუბრა. ნათია მეზვრიშვილის განმარტებით, ყველაზე მეტი ინფიცირებული პაციენტი 10 მოქალაქე, დედაქალაქში გარდაიცვალა, შემდეგი არის აჭარა და იმერეთი.
მეზვრიშვილის ინფორმაციით:
თბილისში – 10 ადამიანი,
აჭარაში – 7,
იმერეთში – 7,
შიდა ქართლში – 2,
ქვემო ქართლში – 1, ხოლო სამეგრელო-ზემო სვანეთში – 1 ადამიანი გარდაიცვალა.
საქართველოში კორონავირუსის 1 791 ახალი შემთხვევა დადასტურდა – გადანაწილება რეგიონების მიხედვით
ბოლო 24 საათში საქართველოში კორონავირუსის ახალი 1 791 შემთხვევა დადასტურდა. აქედან 532 შემთხვევა თბილისში, 369 – აჭარაში, 392 – იმერეთში გამოვლინდა. რაც შეეხება გამოჯანმრთელებულებს, დღეის მდგომარეობით, 2 413 პაციენტი განიკურნა.
დღემდე ქვეყანაში გამოვლენილი „კოვიდ 19“-ის დადასტურებული შემთხვევების საერთო რაოდენობა 40 727-ს შეადგენს.