„ჯანმო და არც ამერიკის დაავადებათა კონტროლი არ განიხილავს დღევანდელ მდგომარეობას როგორც უახლოეს მომავალში კარანტინის, ჩაკეტვების ან მნიშვნელოვანი მატების წინაპირობად", - აცხადებს იმუნიზაციის ტექნიკურ მრჩეველთა ეროვნული ჯგუფის ხელმძღვანელი.
„თუ თქვენ კორონავირუსს გადაიტანთ 4-5 თვის მანძილზე, გარკვეულწილად ხართ დაცული ხელმეორედ ინფიცირებისაგან, მაგრამ განსაკუთრებით ახალი ქვე-შტამი BA.5 შემთხვევაში, ეს დაცვითი ძალა, ძალიან სწრაფად კლებულობს", - ამბობს ივანე ჩხაიძე.
როგორც მან დღეს გამართულ პრესკონფერენციაზე აღნიშნა, შემოდგომაზე კორონავირუსით ინფიცირების პიკის მოლოდინი რეალურად არსებობს.
„პისიარი აღარ კეთდება, რეგულაციები ფაქტობრივად აღარ არსებობს. ადრე ხდებოდა კონტაქტების მოძიება და ახლა ეს აღარ ხდება. ამიტომ ეს ადამიანის კეთილ ნებაზეა დამოკიდებული, როგორ მოიქცევა, თუ დაინფიცირდა“
ივანე ჩხაიძე ამბობს, რომ აუცილებელია იმ ადამიანების ვაქცინაციის გააქტიურება, რომლებსაც მესამე დამატებითი „ბუსტერ“ დოზა არ გაუკეთებიათ.
