მოსკოვის სავაჭრო ცენტრში „მეგა ხიმკი“ აფეთქება მოხდა. ამის შესახებ ინფორმაციას რუსული სააგენტოები საგანგებო სიტუაციების სამინისტროს ინფორმაციაზე დაყრდნობით ავრცელებენ.
სააგენტო „ტასის“ ცნობით, ცეცხლი 7 ათას კვადრატულ მეტრ ფართობზეა გავრცელებული.
წერენ, რომ ხანძარი სამშენებლო მასალების გერმანული კომპანიის, OBI-ს ჰიპერმარკეტში მომხდარმა აფეთქებამ გამოიწვია.
ჰიპერმარკეტი სავაჭრო ცენტრ „მეგა ხიმკის“ ტერიტორიაზე მდებარეობს. წინასწარი ინფორმაციით, არავინ დაშავებულა, რადგან აფეთქების დროს სავაჭრო ცენტრი დაკეტილი იყო.
