რომელი ბაღები დაიხურა ბავშვების სავარაუდო ინტოქსიკაციის გამო – რას აცხადებენ თბილისის საბავშვო ბაგა-ბაღების მართვის სააგენტოში

ბავშვების სავარაუდო ინტოქსიკაციის გამო, თბილისის 7 საბავშვო ბაგა-ბაღი დაიხურა.

იაშვილის საავადმყოფოს პედიატრიული განყოფილების ხელმძღვანელის ინფორმაციით, სხვადასხვა ბაგა-ბაღიდან ინტოქსიკაციის ნიშნებით 11 ბავშვი შეიყვანეს, საიდანაც 7 სტაციონარში რჩება

თბილისის საბავშვო ბაგა-ბაღების მართვის სააგენტო „ინტერპრესნიუსთან“ განმარტავს, თუ რომელი ბაღები დაიკეტა სავარაუდო ინტოქსიკაციის გამო.

სავარაუდო ინტოქსიკაციის გამო დაკეტილი 7 ბაღია: 49-ე ბაგა-ბაღი; 22-ე ბაგა-ბაღი; 109-ე ბაგა-ბაღი; 124-ე ბაგა-ბაღი; მე-10 ბაგა-ბაღი; 31-ე ბაგა-ბაღი; 59-ე ბაღი.

„შემოვიდა 16 პაციენტი, ღებინება საღამოს საათებში დაეწყოთ, ყველა პაციენტი არის საჯარო ბაღებიდან“ – რას ამბობს მაია ჩხაიძე კლინიკაში ინტოქსიკაციით შესულ ბავშვებზე

შეგახსენებთ, ბაგა-ბაღებში სავარაუდო ინტოქსიკაციის ფაქტზე გამოძიება დაიწყო საგამოძიებო სამსახურმა.

ბაგა-ბაღებში ბავშვების სავარაუდო ინტოქსიკაციის ფაქტზე მოკვლევა დაიწყო სურსათის ეროვნულმა სააგენტომაც.

„სააღმზრდელო პროცესი შეჩერდა 7 საჯარო ბაღში, დანარჩენი 183 ბაღი აგრძელებს ფუნქციონირებას“ – თბილისის საბავშვო ბაღებში ბავშვების ინტოქსიკაციაზე ბაგა-ბაღების მართვის სააგენტო განცხადებას ავრცელებს

საგამოძიებო სამსახურმა ბაგა-ბაღებში ინტოქსიკაციის ფაქტზე გამოძიება დაიწყო – ინტოქსიკაციის ნიშნები თბილისში მდებარე 20 ბაგა-ბაღის 55 აღსაზრდელსა და 1 აღმზრდელს აღენიშნება, მათ სამედიცინო დახმარება 6 კლინიკაში გაეწიათ