დღეს ცნობილი გახდა, რომ 2016 წლის „ევროვიზიის“ კონკურსზე საქართველოს ნიკა კოცაროვი და ჯგუფი Young Georgian Lolitaz წარადგენენ. „პირველმა არხმა“ გამოაცხადა კონკურსი ჯგუფისთვის სიმღერის სესარჩევად, განაცხადები 8 იანვრამდე მიიღება. კონკრეტული ჟანრიც განსაზღვრულია: ალტერნატიული ინდი როკი ელექტრონული მუსიკის ელემენტებით. შესულიდან 5 საუკეთესო სიმღერას შეარჩევენ, გამარჯვებულს კი ჟიური და მაყურებელი ერთობლივად გამოავლენენ.
„ევროვიზია“ 2016 წელს შვედეთში გაიმართება, 10, 12 და 14 მაისს.