10-15 წელიწადში საქართველოს შესაძლებლობა ექნება არა ზუსტად გერმანიის, მაგრამ მისი მსგავსი ეკონომიკა ჩამოაყალიბოს, – ამის შესახებ ექსპრემიერმა ბიძინა ივანიშვილმა ჟურნალისტებთან შეხვედრისას განაცხადა.
მისი თქმით, სამ-ოთხ წელიწადში ეკონომიკაში საოცრებების ჩადენა შეუძლებელია და ამას გაცილებით მეტი დრო სჭირდება, 10-15 წელიც კი ძალიან ოპტიმისტური ვადაა იმისთვის, რომ საქართველო გერმანიის მსგავს ეკონომიკად იქცეს და ეკონომიკურად განვითარებული ქვეყნების სიაში ჩადგეს.
”10-15 წელიწადი არაფერია იმისთვის, რასაც ასწლეულები მოანდომეს სხვა სახელმწიფოებმა, რომ ჩვენ ჩავდგეთ ეკონომიკურად განვითარებული ქვეყნების რიგში“,- განაცხადა ივანიშვილმა.
მისივე თქმით, სავალუტო ფონდის პროგნოზით, 2021 წელს საქართველოში 12%-მდე ეკონომიკური ზრდის მაჩვენებელი დაფიქსირდება.
„მე კიდევ უფრო მეტის იმედი მაქვს და გვაქვს ამის რეალური საფუძველი. თუ ბევრი რამ თანხვედრაში მოვიდა, კიდევ უკეთესი შედეგი გვექნება“- აღნიშნა ივანიშვილმა.