არავის ეგონა, რომ ერთ დროს მექალთანე ჯასტინ ტიმბერლეიკი ოდესმე საუკეთესო მამა და მეუღლე გახდებოდა, თუმცა ეჭვების მიუხედავად, მუსიკოსი სანიმუშო მეოჯახე აღმოჩნდა, რომელიც მეათე წელია შეყვარებულია მეუღლეზე.
ცოტა ხნის წინ წყვილმა ევროპაში იმოგზაურა. ჯასტინი ტურნეს Man of the Woods ფარგლებში ევროპის ქალაქებს სტუმრობდა, ჯესიკა სამი წლის ვაჟიშვილთან საირუსთან ერთად კი, საყვარელ მეუღლეს გულშემატკივრობდა. მოგვიანებით, მსახიობმა Instagram-ზე ოჯახური მოგზაურობის ფოტოები გამოაქვეყნა მოკლე მინაწერით: “ვფიქრობ, ევროპელებს დავემსგავსეთ, რადგან სწორედ ასე ვგრძნობთ თავს. ზაფხულო, ძალიან გთხოვ არ დამთავრდე! მადლობა ტურნეს Man of the Woods, რომელმაც არაჩვეულებრივი მოგზაურობა გვაჩუქა”.