კახა კალაძემ, მომხრეებს და თანაგუნდელებს მხარდაჭერისკენ მოუწოდა.
“მინდა, მივმართო ჩვენს მხარდამჭერებს, ჩვენს თანაგუნდელებს, არც ერთი ნაბიჯი უკან, არავითარი თავდახრა, ყველას ვაჩვენებთ 2020 წლის საპარლამენტო არჩევნებზე, რას წარმოადგენს „ქართული ოცნება“ და როგორი მხარდაჭერა აქვს ქართველი ხალხის მხრიდან, – განაცხადა კახა კალაძემ.
ამასთან, მან განმარტა, რომ ოქრუაშვილისა და უგულავას გათავისუფლება 8 მარტის შეთანხმების საფუძველი არ ყოფილა.
კახა კალაძემ პრეზიდენტის გადაწყვეტილება შეაფასა
გულდასაწყვეტი და არაპოპულარული გადაწყვეტილება იყო პრეზიდენტის მხრიდან - კახა კალაძე
„ვერც იქნებოდა, რადგან ვერც პარლამენტი, ვერც მთავრობა, ვერ მიიღებდა გადაწყვეტილებას და შეთანხმება ვერ შედგებოდა ისეთ რაღაცაზე, რომლის შესრულების შესაძლებლობა არ არსებობდა. რაც შეეხება რეაქციებს, ეს პირველი შემთხვევა არ არის და თქვენ შეგიძლიათ 2012 წლიდან მოყოლებული ნახოთ სხვადასხვა ტიპის განცხადებები ევროპარლამენტარების, კონგრესმენების მხრიდან სხვადასხვა კონკრეტულ კრიმინალებთან მიმართებაში. ეს სიახლე არ არის ჩვენთვის, გვქონია ეს მოცემულობა. რაც შეეხება ვიცოდით თუ არა პრეზიდენტის გადაწყვეტილების შესახებ, სრული პასუხისმგებლობით ვაცხადებ, რომ ჩვენ ეს ინფორმაცია არ გვქონდა. თქვენ ვერ გვაჩვენებთ ვერც ერთ პუნქტს, ვერც ერთ სიტყვას იმ შეთანხმებაში, რომელიც გახდა საჯარო, რომ იქ საერთოდ ნახსენები ყოფილიყო კრიმინალების გამოშვება“, – განაცხადა კახა კალაძემ.
ჩემი აზრით, ეს არ იყო სწორი გადაწყვეტილება – მდინარაძე ოქრუაშვილი-უგულავას შეწყალებაზე
ამასთან, კახა კალაძემ ისიც აღნიშნა, რომ ოპოზიციას საარჩევნო სისტემის ცვლილების ჩაგდება არ გამოუვიდა.
„8 მარტის შეთანხმება რაც იყო, სრული პასუხისმგებლობით ვაცხადებთ, რომ ჩვენ მზად ვართ, საარჩევნო სისტემის ცვლილებას დავუჭიროთ მხარი, ეს იყო აღებული ვალდებულება, პასუხისმგებლობა. ზუსტად ამის მცდელობა ჰქონდა ოპონენტებს, რომ ეს გამოეყენებინათ ქვეყნის წინააღმდეგ, რაც არ გამოუვიდათ. როგორც პოლიტიკოსს, მესმის პრეზიდენტის ამ გადაწყვეტილების და ის განმარტებები, რომელიც მან გააკეთა, ზუსტად მიუთითა, რომ ოპოზიციას ჰქონდა მცდელობა, საარჩევნო სისტემა არ მიღებულიყო იმ ფორმით, რა ფორმითაც არის დაანონსებული და, რაზეც იყო შეთანხმება. ექნებოდათ მცდელობა, რომ ეს ყველაფერი გადაებრალებინათ მმართველ პარტიაზე. ეს სერიოზულ ზიანს გამოიწვევდა ქვეყნის იმიჯის თვალსაზრისით და ხელისუფლების მიმართ, რაც არ გამოვუდათ. მინდა, მივმართო ჩვენს მხარდამჭერებს, ჩვენს თანაგუნდელებს, არც ერთი ნაბიჯი უკან არავითარი თავდახრა ჩვენ ყველას ვაჩვენებთ 2020 წლის საპარლამენტო არჩევნებზე რას წარმოადგენს ქართული ოცნება და როგორი მხარდაჭერა აქვს ქართველი ხალხის მხრიდან“, – განახცადა კახა კალაძემ.
ორ ადამიანს ქვეყნის მომავალს ვერ გადავაყოლებ – პრეზიდენტი ოქრუაშვილის და უგულავას შეწყალებაზე
"ფაქტია, მისი ხელმოწერაა შეწყალების აქტზე და ადამიანურად მას მადლობას ვეუბნები"
ოქრუაშვილის პირველი კომენტარი საპატიმროს დატოვების შემდეგ.
"ბოქსირებული განყოფილებიდან გამოვედი" - უგულავას პირველი კომენტარი საპატიმროს დატოვების შემდეგ
"ივანიშვილმა ადვილად შესასრულებელი დაპირებაც ვერ შეასრულა" - ოქრუაშვილიც თავისუფალია