სამეგრელოში მომხდარ ავტოსაგზაო შემთხვევას ახალგაზრდა ქალის სიცოცხლე ემსხვერპლა.
არსებული ინფორმაციით, შემთხვევა ჩხორია–ლიის საავტომობილო გზაზე, ორი დღის წინ მოხდა. არსებული ცნობით, შემთხვევის დროს დაშავებული 35 წლის ქალი გასულ ღამეს გარდაიცვალა.
როგორც „ფორტუნას“ შინაგან საქმეთა სამინისტროში განუცხადეს, მომხდარზე გამოძიება დაწყებულია სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. უწყების ცნობითვე, მძღოლი დაკავებულია.
როგორც Ambebi.ge „მთავარ ამბებზე“ დაყრდნობით წერს, დაშავებული მალვინა გულუა მძიმე დაზიანებებით კლინიკაში გადაიყვანეს, თუმცა მისი გადარჩენა ვერ მოხერხდა და ის გასულ ღამეს გარდაიცვალა. არსებული ცნობითვე, ქალს მეუღლე და ორი შვილი დარჩა.
ფოტო: Ambebi.ge
