თანამედროვეობის ერთ-ერთმა ყველაზე პოპულარულმა მომღერალმა, ადელმა, ამ დღეებში ახალ ზელანდიაში გამართულ კონცერტზე განაცხადა, რომ ეს მისი უკანასკნელი ტურნე იყო. „გასტროლები - არ არის ჩემი ძლიერი მხარე. ერთდერთი, რისთვისაც ეს ტურნე გავმართე - ეს თქვენ იყავით, ჩემი მსმენელი“ - განაცხადა მომღერალმა სცენიდან.
ადელის იუმორის გრძნობა ყველასთვის კარგად არის ნაცნობი. ახალ ორლეანში გამართულ კონცერტზე მან ეს კიდევ ერთხელ დაამტკიცა, როდესაც კოკისპირულ წვიმაში გამოვიდა. Mt Smart Stadium-ზე, სადაც 40 ათასი შეიკრიბა, მომღერალი მოულოდნელად წამოსულმა ძლიერმა წვიმამაც არ შეაჩერა.
ჯერ კიდევ გასული წლის ნოემბერში ადელმა განაცხადა, რომ კარიერაში ხანგრძლივი პაუზის აღებას გეგმავს.
ლას-ვეგასის სამი უმსხვილესი კაზინო ადელს ერთ გამოსვლაში ნახევარ მილიონ დოლარს სთავაზობს. აღსანიშნავია, რომ ასეთი კონტრაქტის ფარგლებში კონცერტები თავის დროზე სელინ დიონმა, ჯენიფერ ლოპესმა, ბრიტნი სპირსმა და სხვა ცნობილმა მომღერლებმა გამართეს.
რამდენიმე კვირის წინ, ბრიტანელმა მომღერალმა ადელმა განაცხადა, რომ მუსიკალური სცენის მიტოვებას, ამ დროის მთლიანად ვაჟიშვილისთვის დათმობას და მეორე შვილის გაჩენას აპირებს.