აფხაზეთის სიმღერის სახელმწიფო ანსამბლი „შავნაბადა“ რუსეთის რესპუბლიკაში გასტროლზე მიემგზავრება, ანსამბლი ქალაქ ნიჟნი ნოვგოროდში საქართველოს სათვისტომოს „ოქროს საწმისის“ ხელმძღვანელის, მევლუდ ჭუმბურიძის ინიციატივით, 4 მაისს კონცერტს გამართავს, რომელსაც სხვა საზოგადოებასთან ერთად, აფხაზეთიდან დევნილი ადამიანებიც დაესწრებიან. 5 მაისს წმ. სერაფიმე საროველის ხსენების დღეს, ,,შავნაბადა“ დღესასწაულის წირვის ლიტურგიაში მიიღებს მონაწილეობას. 6 მაისს – გიორგობის სადღესასწაულო წირვა ანსამბლის მიერ შესრულებული ქართული საგალობლებით აღევლინება, რომელშიც ადგილობრივი ქართველებიც მიიღებენ მონაწილეობას. 6 და 7 მაისს მონაწილეობას მიიღებენ მსოფლიო მართლმადიდებლური ქვეყნების სააღდგომო საგალობლების ფესტივალში.
ანსამბლი ,,შავნაბადა“ უკვე 11 წელია, ხალხური სიმღერა-გალობის სამსახურში აქტიურადაა ჩართული და სულ ცოტა ხანია, რაც აფხაზეთის სახელმწიფო ანსამბლის სტატუსი მიიღო, სახელმწიფო სტატუსის ფარგლებში ეს ანსამბლის პირველი გასტროლია.
