თებერვლიდან მოყოლებული, ადელი აქტიურად მართავს კონცერტებს, თუმცა მომღერალი ცდილობს, დრო შვილთან ერთადაც გაატაროს. ორშაბათს მომღერალი ამსტერდამში, ვაჟიშვილთან ერთად სეირნობის დროს პაპარაცებმა გადაიღეს.
რამდენიმე დღის წინ, მანჩესტერში კონცერტის მსვლელობის დროს ადელს სიმღერის ტექსტი დაავიწყდა. მომღერალი თავის ცნობილ ჰიტს „Million Years Ago“ ასრულებდა, როდესაც მოულოდნელად მიხვდა, რომ შეცდომით მისამღერს მღეროდა.
ადელის კონცერტებზე უკვე ტრადიციად დამკვიდრდა, რომ ამა თუ იმ ადამიანს შეუძლია ხელი თავის რჩეულს სთხოვოს. გამონაკლისი არც კოპენჰაგენში გამართული კონცერტი გახდა, თუმცა განსაკუთრებული ის იმით გახდა, რომ ამჯერად ხელი თავის რჩეულს ჰომოსექსუალმა მამაკაცმა სთხოვა და თანხმობაც მიიღო.
ლონდონში გამართული კონცერტის მსვლელობის დროს, ადელმა ბობ დილანის სიმღერა „Make You Feel My Love“ ბრიუსელის ტერაქტის დროს დაღუპულებს მიუძღვნა. ჩააწერი, რომელიც ერთ-ერთმა მომხმარებელმა გააკეთა, YouTube-ზე დევს.