ლითეროთერაპევტი და ეზოთერიკოსი თამუნა იოსელიანი სოციალურ ქსელში შემოდგომის ბუნიობის დღესთან დაკავშირებით უზიარებს თავის გამომწერებს ინფორმაციას და წერს, რომ 23 სექტემბერი არის გარდამავალი პერიოდი წონასწორობის, ახალი შესაძლებლობებისა და ცხოვრების სხვადასხვა სფეროში ჰარმონიის აღდგენის დრო.
„23 სექტემბერი დადგა! შემოდგომის ბუნიობის დღე , განსაკუთრებული, სიმბოლური დრო, როდესაც დღე და ღამე ერთმანეთს უთანაბრდება. 
ეს არის გარდამავალი პერიოდი წონასწორობის, ახალი შესაძლებლობებისა და ცხოვრების სხვადასხვა სფეროში ჰარმონიის აღდგენის დრო.
ხალხური ტრადიციების მიხედვით, ბუნიობის დღეს მიღებულია სახლის გენერალური დალაგება , სივრცის გაწმენდა და ყველაფრის მოშორება, რაც აღარ გვჭირდება. ამით თითქოს ადგილს ვუთმობთ ახალ ენერგიას, ბედნიერებასა და კეთილდღეობას.
ძველად შემოდგომის ბუნიობას მოსავლის დღესასწაულად აღნიშნავდნენ , მადლობას უხდიდნენ ბუნებას მიღებული ბარაქისა და ნაყოფისთვის და ზამთრის დადგომამდე ზეიმობდნენ.
შეგიძლიათ გამოაცხოთ მრგვალი ვაშლის ღვეზელი , მრგვალი ფორმა სიმბოლურად სრულყოფილებასა და უწყვეტ ციკლს უკავშირდება. ხალხურ რწმენებში კი ვაშლი ბარაქისა და კეთილდღეობის სიმბოლოდაც ითვლება.
ამ დღეს შეგიძლიათ სამჯერ გადათვალოთ სახლში არსებული ნაღდი ფული. შემდეგ მადლობა გადაუხადეთ სამყაროს იმისთვის, რაც უკვე გაქვთ და გულწრფელად გამოხატეთ სურვილი, რომ თქვენი მატერიალური კეთილდღეობა კიდევ უფრო გაიზარდოს.
ამ პერიოდში მზე სასწორის ნიშანში გადადის , ნიშანში, რომელიც სიმბოლურად უკავშირდება პარტნიორობას, ურთიერთობებს, ჰარმონიასა და ბალანსს.
ამიტომ შეგიძლიათ ჩაიფიქროთ ლამაზი და ბედნიერი პარტნიორული ურთიერთობა. 
მნიშვნელოვანია სურვილი ისე ჩამოაყალიბოთ, თითქოს ის უკვე თქვენი რეალობის ნაწილია:
„მე ბედნიერი ვარ ურთიერთობაში, სადაც სიყვარული და ურთიერთპატივისცემაა.“
„მე სიხარულსა და კმაყოფილებას ვგრძნობ ჩემი ცხოვრებით.“
„მე ვმუშაობ შესანიშნავ გუნდში, ვიღებ სასურველ შემოსავალს და ჩემი საქმიანობა სიამოვნებას მანიჭებს.“
სურვილები უნდა იყოს თქვენთვის რეალისტური და მიღწევადი. შემდეგ კი აუცილებლად გადადგით კონკრეტული ნაბიჯები მათი განხორციელებისკენ. სურვილი მხოლოდ დასაწყისია , მოქმედება მას რეალობასთან აახლოებს. 
ეს ასევე კარგი დროა საკუთარ თავთან მნიშვნელოვანი კითხვების დასასმელად:
როგორ განვითარდება ჩემი პარტნიორული ურთიერთობა?
აქვს თუ არა ჩემს ურთიერთობას მომავალი?
შევხვდები თუ არა ადამიანს, ვისთანაც სერიოზული და ჰარმონიული ურთიერთობის შექმნას შევძლებ?
ამ განსაკუთრებულ პერიოდში შეგიძლიათ მიიღოთ დამატებითი მინიშნებები ტაროს ბარათების საშუალებით , უძველესი სიმბოლური სისტემის დახმარებით.
გაიგეთ, რას გიმზადებთ 2026 წლის ოქტომბერი!
გისურვებთ, თითოეულმა თქვენგანმა იცხოვროთ სიყვარულში, ბარაქაში, სიუხვესა და კეთილდღეობაში!
გააქტიურეთ თქვენი სურვილი და დაწერეთ კომენტარებში:
„მე ვარ ჩემი ახალი ცხოვრების შემოქმედი, რომელიც სავსეა კეთილდღეობით, სიუხვით, ბედნიერებითა და სიყვარულით.“
შეგიძლიათ დაამატოთ ის, რაც ყველაზე მეტად გსურთ“, – წერს თამუნა იოსელიანი.
