ამ კვირაში განსაკუთრებული ყურადღება 10 ოქტომბერს, შაბათს, უნდა მიექცეს, რადგან ამ დღეს ახალმთვარეობაა. ახალმთვარეობა ნიშნავს მზისა და მთვარის ენერგიების შეერთებას სასწორის ზოდიაქოს ნიშანში. ამ პერიოდში იზრდება ტრავმული ტენდენციები და ადამიანებში შესაძლოა უფრო მეტად გამოვლინდეს აგრესია და დეპრესიული განწყობა. განსაკუთრებული ყურადღება უნდა მიექცეს ჯანმრთელობას, კერძოდ, ყელის არეს, ენდოკრინულ სისტემასა და თირკმელების ზონას. ასევე სასურველია, თავი შეიკავოთ ალერგიული საკვების მიღებისგან.
10 ოქტომბერს განსაკუთრებით მნიშვნელოვანია კონფლიქტებისა და პროვოკაციების თავიდან აცილება. მნიშვნელოვანი და გადამწყვეტი მოლაპარაკებების წარმოება სასურველი არ იქნება. უმჯობესია, ეს დღე მშვიდად და სტაბილურად გავატაროთ.
ვერძი:
კვირის პირველი ნახევარი შედარებით რთული იქნება, მეორე ნახევარი კი – უკეთესი. თუმცა, 10 ოქტომბრის ახალმთვარეობის გამო, კვირა მთლიანობაში მაინც მეტ ყურადღებას მოითხოვს. ამ პერიოდში ვერძის ენერგოტონუსი მაღალია, ის აქტიური, ენერგიული და ინიციატივიანია, აქვს საკმარისი თავდაჯერებულობა და სურვილი, ყველაფერში პირველი იყოს. თუმცა, კვლავ არსებობს ფარული წინააღმდეგობები და შესაძლოა გააქტიურდნენ მტრები. ამიტომ ზოგიერთი ვერძი შესაძლოა კრიტიკის ქარცეცხლში აღმოჩნდეს. ასევე მოსალოდნელია ფინანსური დანაკარგები, ფინანსების არასწორად განაწილება ან კაპიტალის დაბანდებასთან დაკავშირებული პრობლემები, რაც მეტ წინდახედულებასა და სიფრთხილეს მოითხოვს. ამ პერიოდში მთავარი პარტნიორული ურთიერთობების სტაბილიზაციაა. რაც უფრო მყარი იქნება ურთიერთობები, როგორც პირად, ისე საქმიან პარტნიორებთან, მით უფრო მშვიდად ჩაივლის პერიოდი. თუ პარტნიორულ ურთიერთობებში სიტუაცია დაიძაბება, შესაძლოა პრობლემებიც მნიშვნელოვნად გაიზარდოს.
კურო:
ენერგოტონუსი დაბალია და ჯანმრთელობის მდგომარეობაც არასტაბილურია. ამიტომ მნიშვნელოვანია, ფრთხილად იმოქმედოთ, თუმცა თავი ზედმეტად არ გადაიტვირთოთ. ნუ აიღებთ საკუთარ თავზე ზედმეტ პასუხისმგებლობას და მაქსიმალურად მოერიდეთ არასწორ ან სარისკო მოქმედებებს. კვირის განმავლობაში ბევრი ყოველდღიური საქმე და ვალდებულება გექნებათ, რაც თქვენი დროისა და ყურადღების დიდ ნაწილს დაიკავებს. განსაკუთრებულ ყურადღებას მოითხოვს პარტნიორული ურთიერთობები. შესაძლოა პარტნიორების მხრიდან კრიტიკის ობიექტი გახდეთ, მათ შორის გარკვეული შეცდომის, დაუფიქრებელი მოქმედების, სიტყვის ან არათანმიმდევრული გადაწყვეტილების გამო. ამან შესაძლოა გარკვეული დაპირისპირება გამოიწვიოს. ამიტომ მაქსიმალურად შეეცადეთ, კოლეგებთან სტაბილური ურთიერთობა შეინარჩუნოთ, რადგან თქვენი სტაბილურობა დიდწილად სწორედ ამ ურთიერთობებზე იქნება დამოკიდებული.
ტყუპები:
ტყუპებისთვის პერიოდი სრულად სტაბილური არ არის, თუმცა ენერგეტიკულ ტონუსს არ უჩივიან. ჯანმრთელობა მდგრადია. ამ ნიშნისთვის დამახასიათებელი აქტიურობა, ენერგიულობა, კონტაქტურობა, კომუნიკაბელურობა და გონებამახვილობა კვლავ წინა პლანზე იქნება. ეს ყველაფერი ხელს უწყობს ახალ ურთიერთობებსა და ხშირ შეხვედრებს. შესაძლოა ახალი ცვლილებების წინაშეც აღმოჩნდეთ, გაჩნდეს ახალი მოგზაურობის პერსპექტივა და ახალი იდეები. თუმცა ეს პერიოდი არ არის ხელსაყრელი ხანგრძლივი და შორეული მოგზაურობებისთვის, განსაკუთრებით უცხოეთში მივლინებისა და საქმიანი ვიზიტებისთვის. ასევე მაქსიმალურად უნდა მოერიდოთ სასამართლო პროცესებს. მნიშვნელოვანია კარგი ურთიერთობების შენარჩუნება შვილებთან და საყვარელ ადამიანებთან. რაც უფრო სტაბილური იქნება ეს ურთიერთობები, მით მეტად გაიზრდება თქვენი პოზიტიური შესაძლებლობები, ხოლო დაძაბული ვითარება მათ მნიშვნელოვნად შეამცირებს.
კირჩხიბი:
კირჩხიბისთვის ენერგოტონუსი დაბალია და ჯანმრთელობის მდგომარეობა არასტაბილურია. შესაძლოა ადვილად გაცივდეთ, გაგიჭირდეთ პროვოკაციების გაკონტროლება და ემოციების მართვა. ეს პერიოდი მშვიდი ნამდვილად არ არის და შესაძლოა ოჯახში პრობლემები გამოიწვიოს. გაიზრდება მშობლებთან და ზოგადად უფროსი ასაკის ადამიანებთან, განსაკუთრებით ნათესავებთან, კონფლიქტის ალბათობა. შესაძლოა ხელმძღვანელებთანაც გარკვეული დაძაბულობა წარმოიშვას, როდესაც პირადი ინტერესები სოციალურ ინტერესებს შეეჯახება. ამან შესაძლოა ემოციური ზიანი და ზოგჯერ კონფლიქტიც გამოიწვიოს, ამიტომ ამ მხრივ მეტი სიფრთხილე გმართებთ. ამას შესაძლოა დაემატოს საყოფაცხოვრებო პრობლემებიც, მაგალითად, ელექტროტექნიკის ან სანტექნიკის დაზიანება, რაც დამატებით ფინანსურ, დროით და ენერგეტიკულ ხარჯებს გამოიწვევს. თუმცა ამის გამო ნერვიულობა და განსაკუთრებით ოჯახის წევრებსა და ნათესავებზე გაღიზიანების გადატანა არ ღირს, რადგან ამან შესაძლოა ურთიერთობების გაუარესება და გაუცხოება გამოიწვიოს.
ლომი:
თქვენი ენერგოტონუსი იზრდება და პერიოდი საკმაოდ დინამიკურია. ამ პერიოდში ლომი აქტიური და ენერგიულია და პასუხისმგებლობის საკუთარ თავზე აღებაც მარტივად შეუძლია. თუმცა, მიუხედავად ამისა, კვლავ არსებობს უარყოფითი ენერგეტიკული ფონი, რომელმაც კვირის განმავლობაში გარკვეული სირთულეები შეიძლება შექმნას. პრობლემები შესაძლოა წარმოიშვას სახლში, ოჯახში, ურთიერთობებსა და პარტნიორულ სფეროში. ამ პერიოდში შესაძლოა მოქმედებებსა და აზროვნებაში უფრო არაპრაქტიკული და უპასუხისმგებლო გახდეთ, რაც სხვების მხრიდან კრიტიკის მიზეზად შეიძლება იქცეს. გარკვეულ სირთულეებს ქმნის სწავლის მიმართულებაც, შესაძლოა სიზარმაცემ შეგიშალოთ ხელი ან მოვლენები ისე არ განვითარდეს, როგორც გსურთ. ასევე ნაცნობების მხრიდან შესაძლოა გარკვეული თხოვნები ან თავსმოხვეული პრობლემები გაჩნდეს და მათი საქმეების მოგვარებაში უფრო მეტად ჩაერთოთ, რაც თქვენთვის გამაღიზიანებელი შეიძლება აღმოჩნდეს. განსაკუთრებული ყურადღება მიაქციეთ ყალბ და არასწორ ინფორმაციას. ნებისმიერი ინფორმაცია გადაამოწმეთ და დოკუმენტს ხელი არ მოაწეროთ, სანამ მის ყველა პუნქტს ყურადღებით არ გაეცნობით, რათა შეცდომები თავიდან აიცილოთ.
ქალწული:
ენერგოტონუსი დაბალია და ჯანმრთელობის მდგომარეობაც არასტაბილურია. შესაძლოა ადვილად გაცივდეთ და დაიღალოთ, ასევე მოსალოდნელია ემოციური გადაღლა, რასაც მეტი ყურადღება უნდა მიაქციოთ. ამ პერიოდში ჯანმრთელობა პირველ რიგში მოითხოვს ყურადღებას. ასევე ფრთხილად უნდა იყოთ ფინანსებთან დაკავშირებით. მოერიდეთ ზედმეტ ფინანსურ ხარჯებს, ფინანსურ ინვესტიციებსა და კაპიტალის დაბანდებას. უმჯობესია, თავი შეიკავოთ სერიოზული ფინანსური საქმეებისა და განსაკუთრებით ისეთი ფინანსური ოპერაციებისგან, რომლებიც შესაძლოა სასურველი შედეგით არ დასრულდეს. ფული შესაძლოა მცირე და ყოველდღიურ საკითხებზე დაიხარჯოს, რაც საბოლოოდ ნერვიულობის მიზეზი გახდება. გარდა ამისა, შესაძლოა საზოგადოებრივ გარემოში გარკვეული პრობლემები და სადავო სიტუაციები წარმოიშვას. განსაკუთრებით გარკვეულ საკითხებზე კამათმა და დაპირისპირებამ შესაძლოა დაძაბულობა გამოიწვიოს როგორც სახლში, ისე სამსახურში. ამიტომ ამ პერიოდში მეტი სიფრთხილე, წინდახედულება და დიპლომატიურობა გმართებთ.
სასწორი:
სასწორისთვის ეს პერიოდი შედარებით ხელსაყრელია. ენერგოტონუსი მაღალია, კომუნიკაბელურობა, გონებამახვილობა და დიპლომატიურობა კარგად არის გამოხატული. გაძლიერებულია შინაგანი ძალების აღდგენის, განვითარების და წინსვლის სურვილი. თუმცა, ამავე დროს, შესაძლოა გარკვეული დაბრკოლებები იგრძნოთ, რომლებიც პერიოდის უარყოფით ენერგიებს უკავშირდება. შესაძლოა დაგრჩეთ შთაბეჭდილება, რომ ზოგიერთი ადამიანი თქვენი მოქმედების თავისუფლების შეზღუდვას ცდილობს. განსაკუთრებით პარტნიორების მხრიდან ასეთი შეზღუდვა გაღიზიანებას გამოიწვევს. ამიტომ მნიშვნელოვანია, გაარკვიოთ, რატომ იქმნება ურთიერთობებში ასეთი მდგომარეობა. შესაძლოა ძალიან მნიშვნელოვანი აღმოჩნდეს სხვა ავტორიტეტული ადამიანის მოსაზრებაც, რომელიც სიტუაციას გარედან დაინახავს და ამ ურთიერთობებში ბევრი პრობლემის მოგვარებაში დაგეხმარებათ. თუ ახალი იდეები და მიზნები პარტნიორების ინტერესებსაც დაემთხვევა, ეს ურთიერთობებს კიდევ უფრო გააუმჯობესებს. სასწორისთვის კვირა იდეებისა და მათი რეალიზების თვალსაზრისით საინტერესოა. ამასთან, მზე კვლავ თქვენს ზოდიაქოს ნიშანში იმყოფება, ამიტომ ეს პერიოდი სასწორისთვის განსაკუთრებით ხელსაყრელია ახალი შესაძლებლობების გამოყენებისა და საკუთარი იდეების რეალიზებისთვის. იმოქმედეთ აქტიურად.
მორიელი:
მორიელისთვის ეს პერიოდი ყველაზე რთულია. ეს არის ძალიან დისჰარმონიული, ე.წ. დაბადებისწინა რთული პერიოდი. ენერგოტონუსი დაბალია და ჯანმრთელობა არასტაბილურია. შესაძლოა ადვილად გაცივდეთ, გაიზარდოს ემოციური გაღიზიანება და გახდეთ უფრო მგრძნობიარე სხვადასხვა სიტუაციის მიმართ. არ არის სასურველი კონფლიქტებში ჩართვა, ურთიერთობების გარკვევა და პროვოკაციებზე აყოლა. ასევე არ უნდა დაიწყოთ ახალი, მნიშვნელოვანი, გრანდიოზული ან სარისკო საქმეები. უმჯობესია დაასრულოთ ძველი საქმეები და თავი ყოველდღიური საქმიანობით შემოიფარგლოთ. განსაკუთრებული ყურადღება მიაქციეთ იმას, რაც თქვენს ზურგს უკან ხდება, რადგან შესაძლოა გააქტიურდეს ჭორები და ინტრიგები. ბიზნესში შესაძლოა გარკვეული წარუმატებლობებიც გამოვლინდეს, რასაც შესაძლოა თქვენი არასწორი მოქმედებები ან ამა თუ იმ საკითხის მიმართ უპასუხისმგებლო დამოკიდებულება შეუწყოს ხელს. ამიტომ ეს პერიოდი მაქსიმალური სიფრთხილით უნდა გაიაროთ. მეტი დაისვენეთ, შემოიფარგლეთ ყოველდღიური საქმეებით და ამ პერიოდში არაფერი ახალი, გრანდიოზული, მნიშვნელოვანი ან სარისკო არ დაიწყოთ.
მშვილდოსანი:
მშვილდოსნისთვის ენერგოტონუსი მაღალია. ეს აქტიური და დინამიკური პერიოდია, შესაბამისად, წარმატების შესაძლებლობებიც უფრო მეტად იზრდება. თუმცა კვლავ არსებობს ფარული წინააღმდეგობები, რომლებიც დედამიწის უარყოფით ენერგეტიკულ წრეს უკავშირდება. ამ პერიოდში შესაძლოა გაგიჭირდეთ ემოციების კონტროლი, უფრო ხშირად თქვათ ნაჩქარევი სიტყვები და თქვენი მოქმედებები იმპულსური გახდეს. ამის გამო ზოგიერთი გადაწყვეტილება შესაძლოა ნაკლებად ლოგიკური აღმოჩნდეს. ემოციურ ფონზე მიღებულმა გადაწყვეტილებებმა კი შესაძლოა შეცდომები გამოიწვიოს, რომელთა შედეგებიც განსაკუთრებით თვის ბოლოსკენ გამოვლინდება. პერიოდი არ არის ცუდი რეფორმებისთვის, თუმცა ნებისმიერი ცვლილება წინასწარ კარგად უნდა გაიაზროთ და გადაწყვეტილებები ემოციური იმპულსით არ მიიღოთ. ამ შემთხვევაში მოქმედებები უფრო სწორი და წარმატებული იქნება. პერიოდი ასევე ხელსაყრელია ინტერნეტთან დაკავშირებული საქმიანობისთვის, საიდანაც შესაძლოა საინტერესო და მნიშვნელოვანი ინფორმაცია მიიღოთ.
თხის რქა:
თხის რქისთვის ეს ჯანმრთელობის თვალსაზრისით რთული პერიოდია. ჯანმრთელობის მდგომარეობა არასტაბილურია, შესაძლოა ადვილად გაცივდეთ ან ტრავმულ სიტუაციაში აღმოჩნდეთ, ამიტომ განსაკუთრებული სიფრთხილეა საჭირო, მათ შორის ავტომობილის მართვისას. პრობლემები შესაძლოა პროფესიულ და სოციალურ სფეროებშიც წარმოიშვას. გარკვეული დაპირისპირება, ფინანსური არასტაბილურობა და ურთიერთობებში წარმოქმნილი სირთულეები ამ პერიოდისთვის დამახასიათებელი იქნება. ამიტომ ამ კვირაში მოერიდეთ მსხვილ საქმეებს, ფინანსურ ინვესტიციებსა და კაპიტალის დაბანდებას. ყურადღება მიაქციეთ წვრილმან საკითხებსაც კი. თუ გარკვეულ საკითხში სამართლებრივი ან ფინანსური პრობლემა გაქვთ, შესაძლოა სერიოზულ სირთულეებშიც გადაიზარდოს. განსაკუთრებით მნიშვნელოვანია კონტრაქტორებთან და პარტნიორებთან სტაბილური ურთიერთობის შენარჩუნება, რადგან თქვენი შემდგომი პროფესიული წინსვლის პერსპექტივებიც დიდწილად ამ ურთიერთობებზე იქნება დამოკიდებული.
მერწყული:
მერწყულისთვის საინტერესო და დინამიკური პერიოდია, თუმცა გარკვეული არასტაბილურობის გამო კვირის განმავლობაში მეტი ყურადღება გმართებთ. შესაძლოა დიდი დრო და ენერგია დახარჯოთ პარტნიორებთან წარმოშობილი საკითხებისა და კონფლიქტების მოგვარებაზე, რაც გარკვეულწილად შემაფერხებელი ფაქტორი გახდება. ამ პერიოდში შესაძლოა ისეთი დამოკიდებულება ჩამოგიყალიბდეთ, რომ ადამიანს, რომელსაც განსხვავებული მოსაზრება ან იდეა აქვს, უკვე ფარულ მტრად აღიქვამთ, რის გამოც ურთიერთობების გარკვევის სურვილი გაგიჩნდებათ. ამან კი შესაძლოა სერიოზული უსიამოვნებები გამოიწვიოს. ამიტომ მეტი სიფრთხილე და შემწყნარებლობა გმართებთ. მცირე სადავო სიტუაცია სერიოზულ კონფლიქტად არ უნდა აქციოთ. პერიოდი ზოგადად ხელსაყრელია მოგზაურობისთვის, მგზავრობისა და სხვა ადამიანებთან კონტაქტებისთვის, თუმცა ამ მიმართულებით მომდევნო კვირა უფრო პერსპექტიული და წარმატებული იქნება.
თევზები:
თევზებისთვის ეს დაძაბული, რთული და სტრესული პერიოდია. ენერგოტონუსი დაბალია. მნიშვნელოვანია, არ გაცივდეთ და ზედმეტად არ გადაიღალოთ, რადგან ასეთ მდგომარეობაში შეცდომების დაშვების ალბათობა გაიზრდება. ეს ასევე კარმული პრობლემების პერიოდია, რომლებიც შესაძლოა გარშემომყოფებთან კონფლიქტების სახით გამოვლინდეს. განსაკუთრებული ყურადღება მიაქციეთ გარშემომყოფთა თხოვნებს. შესაძლოა აქტიურად ჩაერთოთ სხვა ადამიანების საქმეებში და მათ საკუთარი გამოცდილებითა და კონკრეტული მოქმედებებით დაეხმაროთ. ასეთი ჩართულობა სასარგებლო იქნება, თუმცა ზომიერების დაცვა აუცილებელია. არ უნდა გადახვიდეთ უკიდურესობაში და არ უნდა დაიკავოთ პოზიცია იმ ადამიანების წინააღმდეგ, რომლებიც აქტიურად მოქმედებენ. დაიცავით საკუთარი თავი და საკუთარი პოზიცია, რათა ამ კვირაში უფრო სტაბილურად იგრძნოთ თავი.
გეომაგნიტური დღეები: 5, 7, 9 და 10 ოქტომბერი
