სინდი კროუფორდისა და რენდი გერბერის 27 წლის ვაჟს, პრესლი გერბერს, გარდაცვალებიდან რამდენიმე დღეში კრემაცია ჩაუტარდა.
როგორც TMZ წერს, ამის შესახებ ახალგაზრდა მამაკაცის გარდაცვალების მოწმობაშია აღნიშნული. დოკუმენტის თანახმად, პრესლის კრემაცია კალიფორნიაში, Rose Family Funeral Home-ში ჩატარდა.
გამოცემის ინფორმაციით, სინდი კროუფორდი და რენდი გერბერი შვილის ფერფლს საკუთარ სახლში, მალიბუში შეინახავენ.
პრესლის გარდაცვალების ოფიციალური მიზეზი ამ დრომდე არ გასაჯაროებულა. პრესლი ლოს-ანჯელესის სარეაბილიტაციო ცენტრში გარდაიცვალა, სადაც ნივთიერებებზე დამოკიდებულებისა და ფსიქიკური ჯანმრთელობის პრობლემების გამო მკურნალობდა.
მისი გარდაცვალების დღეს სამაშველო სამსახურში შესულ ზარზე საუბარი იყო „გულის გაჩერებასა“ და „გადაჭარბებულ დოზირებაზე“.
მედიის ცნობით, პრესლი სარეაბილიტაციო დაწესებულებაში მისვლისას უკვე რომელიღაც ნივთიერების ზემოქმედების ქვეშ იმყოფებოდა.
