მომღერალი თამუნა ამონაშვილი მეუღლესთან, რეზიკო არჩვაძესთან და ტყუპებთან – იონა და მელანიასთან ერთად გადაცემა „პოსტ ალიონს“ სტუმრობდა.
როგორი მშობლები არიან, როგორ შეცვალა მათი ცხოვრება ტყუპების დაბადებამ და როგორ ზრდიან დამხმარის გარეშე მელანიას და იონას – წყვილმა გადაცემაში ვრცლად ისაუბრა.
„თამუნა ძალიან კარგი დედაა, სასწაულებს ახდენს, გადაყოლილია შვილებზე.
ძიძა არ გვყავს. ეს ჩვენი გადაწყვეტილებაა, გვინდა, ბავშვები ჩვენ თვითონ გავზარდოთ“, – აღნიშნა რეზიკო არჩვაძემ.
„ტყუპების დაბადების შემდეგ ყველაფერი შეიცვალა. ყოველ წამს ვფიქრობთ, როგორები იქნებიან, როგორი ცხოვრებით იცხოვრებენ – ჩვენ ვეცდებით, რომ უპირველეს ყოვლისა, სიყვარული და ადამიანობა ვასწავლოთ და კარგი ადამიანები გავზარდოთ“, – თქვა თამუნა ამონაშვილმა.
„სულ ჩემთან უნდათ… დამხმარე ქალი არ გვყავს…“ – თამუნა ამონაშვილს ტყუპები გადაღებებზე თან დაჰყავს
